पछिल्लो २४ घण्टामा देशभर ४ हजार ५ सय २४ जनामा कोरोना भाइरस संक्रमण पुष्टि भएको छ । पीसीआर र एन्टिजेन दुवै विधिबाट गरिएको परीक्षणमा सोको संख्यामा संक्रमण पुष्टि भएको स्वास्थ्य मन्त्रालयले जनाएको छ ।
मन्त्रालयले पीसीआर विधिबाट परीक्षण गर्दा ४ हजार ३४६ जनामा संक्रमण र एन्टिजेन विधिबाट परीक्षण गर्दा १६० जनामा संक्रमण पुष्टि भएको जनाएको छ। मन्त्रालयले पीसीआर विधिबाट १४ हजार ६७२ जना र एन्टिजेन विधिबाट १ हजार ९ जनाको कोरोना परीक्षण गरेको थियो ।
यसैगरी बितेको २४ घण्टामा थप १८ जनाको मृत्यु भएको समेत मन्त्रालयको भनाइ छ । यो सँगै मृतकको संख्या ३ हजार १९४ पुगेको छ।
अहिले देशभर कोरोना संक्रमितको कुल संख्या ३ लाख ७ हजार ९२५ पुगेको छ । तिनीहरुमध्ये २ लाख ७८ हजार ५०६ संक्रमित निको भएका छन् ।कोरोना संक्रमण पुष्टि भएका मध्ये उपत्यकामामात्र १ हजार ९ सय ६६ पुगेका छन्। बढेका संक्रमितमध्ये काठमाडौंका १६०२, ललितपुरका २४० र भक्तपुरमा १२४ जना रहेका छन् । हाल देशभर सक्रिय संक्रमितको संख्या २६ हजार २२५ छ।
