कर्णाली प्रदेश खेलकुद परिषदका सदस्य सरोज शाही सम्मानित भएका छन् । उनलाई कर्णाली स्पोट्स क्लव जुम्लाका धावक धाविकाले सम्मान गरेका हुन् ।
धावक हरिवहादुर रोकाया क्लबका सदस्य महेन्द्र कार्की, धनराज सुनार र लगायतका खेलाडीहरुले अविर र खादा लगाइदिएर सम्मान गरेका हुन । यही पुष महिनाको ६ गते बसेको कर्णाली प्रदेशको मन्त्रिपरिषद्को बैठकले प्रदेश खेलकुद परिषदमा कर्णाली स्पोट्स क्लबका अध्यक्ष सरोज शाहीलाइ मनोनित गरेको थियो ।
धावक हरिवहादुर रोकायाले जुम्लाको खेल क्षेत्रले केही फट्को मारेको महसुस भएको अनुभव सुनाए । विगतका वर्षहरुमा खेल क्षेत्रको दिगोविकास गर्न भोग्नु परेका चुनौती र समस्याहरुको केही सम्मान हुनेमा विश्वास व्यक्त गरे । समृद्ध नेपाल बनाउन खेलकूद अपरिहार्य रहेको बताउदै धावक रोकायाले खेल राष्ट्यि तथा अन्तर्राष्ट्रियस्तरमा लोकप्रिय बन्दै गइरहेको र यस्तै जिल्ला स्तरका खेलबाट नै खेलाडीहरु राष्ट्रिय हुँदै अन्तर्राष्ट्रिय खेल क्षेत्रमा पुगेको स्मरण गराए ।
पूर्वाधार अभावमा खेल क्षेत्र ओझेलमा परेको छ, उनले भने,‘प्रदेश परिषदले खेल क्षेत्रको विकास गर्न बृहत खेलमैदानको विकास गर्न पहल गर्ने छ । स्थानीय सरकारको असहयोगले जिल्लाको खेल क्षेत्रको विकास कठिनाई भएको बताउदै कर्णाली स्पोट्स क्लवका सदस्य महेन्द्र कार्कीले एक्लैले गरेर खेल क्षेत्रको विकास असम्भव भएकोले सबैको हातेमालो आवश्यक रहेकोमा जोड दिए । निति बनाउने स्थानमा पुगेको भन्दै शाहीलाइ अव विगतका जस्तो खेलाडीहरुलाइ समस्या नहुने बताए ।
खेलाडीहरुका समस्या र चुनौतीहरु कर्णाली प्रदेश खेलकुद परिषद्ले हल गर्नमा आफु आशावादी रहेको प्रतिक्रिया दिए । नवनिर्वाचित कर्णाली प्रदेश खेलकुद परिषद्का सदस्य सरोज शाहीले जुम्लाका खेलाडीहरुका लागि सक्दो सहयोग गर्ने बचन दिए ।
निति निमार्ण गर्ने संस्थामा प्रवेश गरेको जानकारी गराउदै खेल क्षेत्रको भौतिक पुर्वाधार निमार्णमा विशेष जोड दिने प्रतिवद्धता जनाए । खेल अरुका लागि खेल्ने नभइ आफ्नो लागि हो भन्ने हेतुले लागियो भन्ने ढिलो छिटो फलदायी हुने शाहीको भनाइ छ ।