कर्णाली प्रदेशका जलस्रोत तथा उर्जाविकास मन्त्री दीनबन्धु श्रेष्ठ सवारी दुर्घटनाका घाइते भेट्न कर्णाली प्रदेश अस्पतालमा पुगेका छन । बुधबार भएको फोर्स गाडी दुर्घटनाको घाइते भेटन अस्पताल पुगेका मन्त्री श्रेष्ठले घाइतेको शिघ्र स्वास्थ्य लाभको कामना गरेका हुन ।
उनले दुर्घटनाका घाइतेको अवस्था बारे जानकारी लिए । सुर्खेतबाट जुम्ला तर्फ जाँदै गरेको भे १ ख २५७४ नम्बरको फोर्स गाडी रेडियो नेपाल चोक नजिकै दुर्घटनामा परेको थियो ।
दुर्घटनामा घाइते १२ जना मध्ये अधिकांस जुम्लाका हुन । घाइतेको प्रदेश अस्पताल सुर्खेतमा उपचार भइरहेको छ । उनले भने,‘दुर्घटना हुनु दुखद कुरा हो । अब घाइतेको प्रभावकारी रुपमा उपचार हुनुपर्छ । ’ उपचाररत ६ जना मध्ये ६ महिने बालक आयुष परियार गम्भीर छन । उनलाई आइसियुमा राखेर उपचार भइरहेको छ ।
मन्त्री श्रेष्ठ फोर्स गाडी दुर्घटनामा घाइते भएको खबर सुन्ने वित्तिकै प्रदेश अस्पतालमा पुगेका थिए । घाइतेहरुको अवस्था बुझ्न र उपचारमा सहजीकरण गर्न अस्पताल पुगेको हुँ,मन्त्री श्रेष्ठले भने,‘कर्णाली प्रदेश सरकारबाट घाइतेहरुको प्रभावकारी उपचारका लागि प्रदेश अस्पताल प्रशासन र सम्बन्धित मन्त्रालयको ध्यानाकर्षण गराइसकको छु । ’
सो अवसरमा मन्त्री श्रेष्ठले घाइतेका आफन्तसंग भेटेर सान्तवना दिएका थिए । बिरामीको उपचारका लागि सरकारले गर्नु पर्ने सबै सहयोग हुन्छ, उनले भने,‘तपाइहरु चिन्ता नलिनुहोला । उनले दुर्घटनाका घाइतेको उपचारमा कर्णाली सरकार संवेदशिल हुने बताए ।
