जुम्ला कनकासुन्दरी गाउँपालिकाको गोठिज्युला देखि नेपालगंजका लागि छुटेको बस दुर्घटना हुँदा दुई जनाको मृत्यु भएको छ । चालक दैलेखका नविन रावल र सहचालक कालिकोटका विशाल बमको घटनास्थलमै मृत्यु भएको हो ।
सिँजा गाउँपालिका २ स्थित घोडेङ्गामा ना ६ ख ४४३८ नम्वरको बस बस दुर्घटनामा परेको जिल्ला प्रहरी कार्यालय जुम्लाका प्रहरी प्रमुख डिएसपी नरेन्द्र चन्दले जानकारी दिई । उनका अनुुसार दुर्घटनामा परेर दुई जना घाइते भएका छन ।
घाइतेलाई कनकासुन्दरी गाउँपालिकाको एम्बुलेन्स मार्फत कर्णाली स्वास्थ्य विज्ञान प्रतिष्ठान शिक्षण अस्पताल जुम्लामा ल्याइएको छ । घाइते हुनेमा कनकासुन्दरी गाउँपालिकाका बिरबल घर्ति,युक्ती कार्की रहेको डिएसपी चन्दले जानकारी दिए ।
बस दुर्घटनामा परेको विहान ८ बजे थाहा भएको थियो, उनले भने,‘अहिले सम्म बसमा दुई जना मात्र यात्रु सवार रहेको बुझिएको छ । उहाँहरु दुवै जना घाइते हुनुहुन्छ । ’
जुम्लाका प्रमुख जिल्ला अधिकारी बिजयाकुमारी प्रसाई सहित सुरक्षाकर्मीको टोली दुर्घटनास्थल पुगेको छ । प्रमुख जिल्ला अधिकारी प्रसाइले बस दुर्घटनाको कारणबारे अनुसन्धान भइरहेको बताइन ।
