गाई पालनबाट मासिक ८० हजार आम्दानी

  ।   ३० असार २०७९, बिहीबार १०:४८

धेरै युवाहरूको चाहना हुन्छ, छोटो समयमा धेरै पैसा कमाउने । अधिकांश युवाहरू पैसा कमाउने गतिलो माध्यमको रुपमा वैदेशिक रोजगारी नै रोज्ने गर्दछन्। तर केही यस्ता व्यक्तिहरु पनि छन्, जसले स्वदेशमा पसिना बगाएर मनग्य पैसा कमाउन सफल भएका छन्।

जुम्ला जिल्लाको चन्दननाथ नगरपालिका वडा नम्बर ४ धन्नलाल बुढाले स्वदेशमै पशुपालन व्यवसायबाट मनग्य आम्दानी गर्न सकिन्छ, भने उदाहरण पेस गरेका छन् । उनको स्थायी घर सिंजा गाउँपालिका ६ मा हो । उनी उमेरले २६ वर्ष मात्र पुगेका छन् ।

उनका बुबा लालबहादुर बुढाले २०६९ सालदेखि व्यवसायी रुपमा हिमाली दुग्ध उत्पादन तथा प्रशोधन उद्योग संचालन गरेका थिए । उच्चशिक्षा हासिल गरेपछि घर परिवारकै सल्लाहमा बुढाले यो व्यवसाय रोजेको बताए । सुरुमा चार वटा उन्नत जातका जर्सी गाईबाट उनले व्यवसाय सुरु गरेका थिए। बुटवलबाट प्रति गाई १ लाख १० हजार हालेर ल्याएका उनको उद्योगमा अहिले १५ वटा गाईहरू रहेका छन् । अहिले फेरि चारवटा भैंसी जोडेका छन् ।

उनी भन्छन् ुदूध बिक्री लागि बजारको कुनै पनि समस्या छैन । दैनिकी करिब ८० देखि ९० लिटरसम्म दूध हुन्छ । ७० प्रतिशत दूध होम सर्भिस गर्ने गरेका छौ।ु ३० प्रतिशत दूध जुम्ला बजारमा अवस्थित हस्तना डेरीमा लैजाने गरेको उनले बताए ।

उनलाई जीवन संगिनी रजना बुढाले पनि सहयोग गर्दै आएकी छिन् । रजना विएड चौथो वर्षमा अध्ययन गर्दै छिन् । उद्योगबाट अहिले मासिक १ लाख ८० हजार भन्दा बढी आम्दानी गर्ने गरेका छन् । सबै खर्च कटौती गरेर ८० हजार बच्ने गरेको छ।

हिमाली दुग्ध उत्पादन तथा प्रशोधन उद्योगमा दुई जनाले रोजगारी पाएका छन् । विहान बेलुका मल सोर्ने, दूध दुहुने, दिउँसो दानापानी खुवाउने र घाँस काट्ने गर्ने गर्दछन्। उनीहरुलाई मासिक २५ हजार रुपैयाँ दिइएको बुढाले बताए।

Next Post

पावर हाउस भासिँदा एकै घरका तीन जनाको मृत्यु

३० असार २०७९, बिहीबार १०:४८
गोल्डेन बुढा जुम्लाको हिमा गाउँपालिका (१ आचार्यलिहीमा अवस्थित भित्री खोला जलविद्युत् आयोजनाको पावर हाउस भासिँदा एकै घरका तीन जनाको मृत्यु भएको छ। राति करिब साढे २ वजे आयोजनाको पावर हाउस भासिँदा तीन जनाको मृत्यु भएको हो । मृत्यु हुनेमा ३० वर्षीय विमला रावत र उनका दुई छोरा ९ वर्षीय भरत […]

सम्बन्धित