कर्णाली स्पोट्स क्लवमा आवद्ध पाँच जना खेलाडी राष्टिय एथ्लेटिक्स प्रतियोगितामा भाग लिन काठमाण्डौं प्रस्थान गरेका छन । काठमाण्डौंमा हुन लागेको ४४ औं राष्ट्रिय एथ्लेटिक्स प्रतियोगितामा भाग लिने खेलाडीलाई एक कार्यक्रमका बीच विदाई गरिएको हो ।
प्रतियोगिता यही असार १०,११ र १२ गते हुदैंछ । जिल्ला खेलकुद विकास समिति जुम्लाले खेलाडीको विदाई गर्दै पाँच जना खेलाडीको नाम सिफारीस गरेको जनाएको छ । चन्दननाथ २ भण्डारीबाडाका डिल्ली भण्डारी १ सय, २ सय र ४ सय मिटर दौडका लागि छनोट भएका छन । ३ सय मिटर र १५ सय मिटर दौडका लागि कनकासुन्दरी एक रियाका प्रकाश कठायत, १ सय मिटर २ सय र ४ सय मिटरका लागि पातारासी ५ का अर्जुन बोहोरा छनोटमा परेको जिल्ला खेलकुद विकास समिति जुम्लाकी सदस्य सचिव संगिता आचार्यले बताइन् ।
उनका अनुसार ४ सय मिटर दौडमा पातारासी ३ मोहन सिंह बुढा र ८ सय, १५ सय र ३ हजार मिटर दौडका लागि पातारासी २ की राममाया बुढा छनोटमा परेको कृतिमानी धावक हरीबहादुर रोकायाले जानकारी दिए ।
नियमित रूपमा खेलमा सहभागी भएका खेलाडीलाई प्राथमिकताका आधारमा छनोट गरिएको कोच समेत रहेका हरिबहादुर रोकायाले बताए । उनले भने,‘खेलाडी जुम्लाको खेल क्षेत्रमा अब्बल भएर दिनरात लागेका छन् । धेरै संघर्षका साथ खेलाडी उत्पादन गरीएको छ । यसको परिणाम देखाएर फर्किने अपेक्षामा छु । ’
खेलाडीले जुम्लाको शीर उच्च राख्ने आशा गरेको छौं सदस्य सचिव आचार्यले भनिन्,‘कर्णाली प्रदेशले छोटो समयका लागि मात्रा नभएर दिर्घकालीन समयमा खेलकुद क्षेत्रमा लगानी गर्नुपर्ने छ । यो प्रतियोगितामा भाग लिने धेरै वर्षपछि अवसर प्राप्त भएको छ । यो समग्र जुम्लाको लागि सुखद सन्देश हो । ’
जिल्ला खेलकुद समितिले पाँच जना खेलाडीको लागि गाडीभाडा स्वरुप १५ हजार रुपैयाँ समेत प्रदान गरेको छ । खेलाडीको प्रोत्साहनका लागि जस्तो सुकै काम गर्न तयार रहेको जिल्ला खेलकुद समितिका अध्यक्ष धनकृष्ण पाण्डेले जानकारी दिए । अहिले खेलाडीले आर्थिक अभाव झेलिरहनु परिरहेको छ । अब स्थानीयतह संगको समन्वय गरेर खेलाडीका समस्या संवोधन गर्न पहल हुने उनले बताए ।
राष्ट्रिय एथ्लेटिक्स प्रतियोगितामा भाग लिने पाँच खेलाडीको बिदाई
खसपत्र
।
१ असार २०७९, बुधबार ०६:१२
