जुम्ला — जुम्लाको एक मात्र नगरपालिका चन्दननाथ नगरपालिकाले विकास निर्माणका कामलाई परिणामुखी बनाउने बताएको छ । योजना सम्झौता समयमै गर्नेदेखि असार १५ अगावै योजनाको भुक्तानी दिइसक्ने गरी काम गर्न थालेको हो । चन्दननाथ नगरपालिकाको १०औं नगरसभाले अबको विकास योजनाहरू नामको मात्र नभई कामकाजी हुनुपर्नेमा जोड दिइएको हो ।
सभाले नगर शिक्षा ऐनको पहिलो संशोधनसहित विभिन्न कार्यविधि पारित गरेको छ । नगरप्रमुख राजुसिंह कठायतले हरेक वर्ष सबै योजनाको भुक्तानी असार पन्ध्रसम्म दिइसक्ने गरी नगरपालिका तयारीमा लागेको बताए । उनले भने, ‘हामी सम्झौता समयमै गरिसक्नेछौं । सकिएका योजनाको भुक्तानी पनि समयमै दिनेछौं । उपभोक्ता र वडाले गुणस्तरमा कम्प्रमाइज गर्न पाउने छैनन् । यो नगरपालिकाको एकमात्र संकल्प हो,’ उनले थपे, ‘नवनिर्वाचित जनप्रतिनिधि आएको छोटो समयमै बजारमा मेयर, उपमेयर, वडाध्यक्षहरूले काम गर्न नसकेको टिप्पणी भइरहेको छ । तर हामीहरू परिणाममुखी काममा अनवरत खटिइरहेका छौं । ’
उनले सहरी विकास कार्यालयबाट मात्रै ५० करोडमा नया“ संरचना बनाउन टेन्डर भइसकेको बताए । ‘मलाई धेरैले बालेन बन्नुप¥यो भनिरहेका छन् । घर भत्काएपछि मात्र मेयर हुने तर नभत्काउ“दा मेयर नहुने भन्ने हुँदैन । अनुकूलताको आधारमा घर पनि भत्काउ“छौं, नया“ निर्माणको काम पनि अघि बढाउनेछौं । अर्काको सिको गरेर विकास हुँदैनन्,’ उनले भने ।
नगरको परिणाममुखी काम विस्तारै हुने उपमेयर रामदेवी खड्काको भनाइ छ । ‘फोहोर मैला व्यवस्थापनका निम्ति धेरै उपकरण ल्याउन लागिरहेका छौं । सबै उपकरण आइसकेपछि नगर आफैंले कामको जिम्मा लिनेछ । नआए निजी क्षेत्रलाई दिने गरी टेन्डर आह्वान गरिनेछ,’ उनले भनिन्, ‘सुन्दर र हराभरा नगर नगरपालिकाको लक्ष्य हो । ’ उनले नगरपालिका सुहाउँदो कानुन तर्जुमा गरेर कार्यन्वयन गर्नुपर्ने देखिएको बताइन् ।
