जुम्लामा प्रारम्भीक बालविकासका लागि पुर्ण सरसफाई घर अभियान सुरु भएको छ । जिल्लाको सिंजा गाउँपालिकाको १,२ र ३ वडाका १८१ घरलाई पहिलो पटक बालविकासका लागि पुर्ण सरसफाई घर घोषणा गरिएको हो ।
आनीबानी परिवर्तन र स्वस्थ्य घरको प्रवद्र्धन गर्न स्वच्छता सुचक पुरा गरेका घरधुरीलाई पुर्ण सरसफाइ घर घोषणा गरिएको हो । सिंजा गाउ‘पालिका संगको समन्वयमा पेस नेपाल जुम्ला र प्लान इनटरनेशनल नेपालको साझेदारीमा संचालित खानेपानी सरसफाइ स्वच्छता तथा उत्थानशिल परियोजना मार्फत सिंजा गाउ‘पालिकाको वडा नंं.१ देखि ३ सम्मका आमा समुहमा पुर्ण सरसफाइ स्वच्छताका सुचकहरुको बारेमा ३ महिना देखि अभिमुखिकण गरिदै आएको थियो ।
पुर्ण सरसफाइका सुचक पुरा गरेका घरधनीलाई सम्मान समेत गरिएको थियो । सिंजा गाउ‘पालिकाका उपाध्यक्ष सितली राकायाले गाउँपालिकालाई पुर्ण सरसफाइ घोषणा गर्ने स्थानीय सरकारको लक्ष्य रहेको सुनाइन् । जसका लागि स्थानीय गैरसरकारी संस्थाहरुको भुमि साथ चाहिनेमा जोड दिइन् ।
सिंजा २ की शर्मिला खत्रीले सरसफाइका सुचकहरु बारेमा पटक पटक गाउ‘मा छलफल हुने गरेको बताइन् । महिला स्वास्थ्य स्वयमसेविकाहरुले घरदैलोमा आएर छलफल चलाउने र बालबालिकाको वृद्धि विकासको लागि सरसफाइको महत्वका बारेमा सुझाउदै आएको बताइन् ।
पेस नेपालका परियोजना अधिकृत शंकरप्रसाद उपाध्यायले प्रारम्भिक उमेर चरणमा भएका बालबालिकाहरुको सर्वाङगिण बिकासका लागी घर पुर्ण सरसफाइ हुन आवश्यक रहेको बताए । बच्चाको बृद्धि र बिकासमा सरसफाइले ठुलो प्रभाव पार्दछ,उनले भने,‘ पुर्ण सरसफाइ घर घोषणाको काममा जुट्न सबैको उत्तिकै भुमिका रहन्छ । ’ स्वास्थ्य शाखाका संयोजक ललितजंङ्ग रोकायाले पुर्ण सरसफाइ अभियानको सुरुवाती चरणमा सर्वसाधारण नागरिकको उत्साह निकै प्रसंसनीय रहेको बताए । निकट भविष्यमै सिंजालार्इै पुर्ण सरसफाइ गाउ‘पालिका घोषणा गर्ने लक्ष्य लिएको जानकारी दिए ।
प्रारम्भिक बाल विकासका लागी विपद जोखिम मुक्त सहितको पुर्ण सरसफाइ स्वच्छता घर घोषणाको लागी सिंजा गाउँपालिकाको अगुवाईमा प्लान इन्टरनेशनल र पेस नेपाल जुम्लाकोे सहकार्यमा पुर्ण सरसफाइ घर घोषणा गरिएको हो ।
