जुम्लाको कनकासुन्दरी गाउँपालिका- ६ मा बालुवा निकाल्न गएकी एक किशोरीलाई नदीले बगाउँदा मृत्यु भएको छ।
मृत्यु हुनेमा कनकासुन्दरी-६ दाँतेओखर गाउँकी १७ वर्षकी मैना सार्की रहेको स्थानीय कर वर्डले बताए।
उनका अनुसार मृतक किशोरी हिमा नदीको लौडीसेन भन्ने ठाउँमा बालुवा निकालिरहेकी थिइन्। त्यहिबेला नदीका छालले उनलाई बगाएको थियो। नदीले लौडीसेबाट ३ सय मिटर तलसम्म बगाएपछि उनकको मृत्यु भएको वर्डले बताए।
मृतक किशोरी पाण्डवगुफा मावि कोटघरमा १० मा अध्ययनरत थिइन्। अहिले शव कोटघर स्वास्थ्य चौकीमा राखिएको छ।
