नेकपा (दहाल-नेपाल पक्ष) ले आह्वान गरेको आमहड्तालको क्रममा जनकपुरमा प्रदर्शनकारी र प्रहरीबीच झडप भएको छ। प्रदर्शनका क्रममा जनकपुरको शिव चोकमा प्रहरी र आन्दोलनकारीबीच भएको झडपमा नेकपा (दाहाल-नेकपा पक्ष) का केन्द्रीय सदस्य तथा पूर्वमन्त्री रामचन्द्र झाको टाउको फुटेको छ। उनलाई उपचारका लागि प्रादेशिक अस्पताल जनकपुरधाम लगिएको छ ।
झडपका क्रममा केही गाडीमा समेत तोडफोड भएको प्रहरीले जनाएको छ। घटनास्थलबाट प्रहरीले केही प्रदर्शनकारीलाई नियन्त्रणमा समेत लिएको जनाएको छ।
