गोल्डेन बुढा,
जुम्लाको सिँजा गाउँपालिकामा एक जना मृत अवस्थामा भेटिएकी छिन् । सिँजा ६ काँडागाउँकी पम्फा बुढा गोठभित्र मृत अवस्थामा भेटिएकी हुन । मृतक बुढाको घाँटीमा झुण्डिएको जस्तो दाग देखिएको वडाध्यक्ष कालीबहादुर बुढाले जानकारी दिए ।
शव गोठमा बेवारिसे अवस्थामा भेटियो । उनलेभने,‘मृतकका श्रीमानले हामीलाई झुण्डिएर आत्म हत्या गरेको बताए । तर घटनाका अनुसन्धान हुन सकेको छैन । ’ मृतकको उचाइ ५ फिट ३ इन्च छ । गोठको उचाइ ३ फिट २ इन्च छ ।’ हत्या हो या आत्महत्या भन्ने बिषयमा अनुसन्धानका लागि शव पोष्टमार्टम गर्न कर्णाली स्वास्थ्य विज्ञान शिक्षण अस्पताल जुम्लामा लगिएको प्रहरीले जनाएको छ ।
पोष्टमार्टम पछि मात्रै मृत्युको कारण खुल्ने प्रहरी निरीक्षक युवनकुमार चौधरीले जानकारी दिए । श्रीमान श्रीमति बीच मनमुटाव भएपछि गोठमा झुण्डिएर आत्महत्या गरेको भन्ने आशंका स्थानीयले गरेका छन ।
सिंजा ६ काडाँगाउँका स्थानीय गोर्ख बुढाका अनुसार मृतकका श्रीमानले राति करिव १२ बजेतिर श्रीमतीले झुण्डिएर आत्महत्या गरेको खबर आफन्तलाई गरेका थिए । ‘श्रीमानले मलाई राति १२ बजे श्रीमतिले झुण्डिएर आत्महत्या गरेको दिए,गोर्खले भने,‘म घटनास्थल गएँ,जिवितै छन कि भनेर श्रीमानले झुण्डिएको डोरी फुकालेर भुइमा राखेको भन्यो ।’ मृतकको घाँटीमा दाग रहेको र डोरीमा रौं भेटिएको छ स्थानीय बताउँछन ।
