,जुम्ला ।
जुम्लाको गुठिचौर गाउँपालिकाले दसैं तिहारलाई मध्येनजर गर्दै गाउ‘का सडक खोल्न थालेको छ । पालिका भित्र रहेका २३ गाउँका सडकहरु सञ्चालनमा ल्याइने भएको हो । पालिका भित्रका ५ वडाका २३ गाउँ सडकले जोडिसकेका छन । तर बर्षायामको बाढी र पहिरोले बिग्रेर सवारी साधन चल्न सकेका छैनन् ।
गाउ‘पालिका अध्यक्ष दानबहादुर बुढाले सडकका खाल्डाखुल्डी पुर्ने,बाढीपहिरोले सॉघु्रिएका सडक फराकिलो बनाउने र हरेक बस्ती सम्म सवारीसाधन सहजै रुपमा पुग्ने सडक बनाउन थालिएको बताए ।
सडकको ग्राभेल गर्ने,नाला बनाउने काम पनि एकसाथ भइरहेको अध्यक्ष बुढाले बताए । जसका लागि अध्यक्ष बुढा आफै खटिएका छन । दुई साता भित्र हरेक बस्तीमा एम्बुलेन्स पुग्ने,दमकल गुड्ने र मालबहाक तथा यात्रुबहाक गाडीहरु गाउ‘मा पुग्ने गरेर काम भइरहेको उनको भनाइ छ ।
ग्रामिण सडक मर्मतको लागि दुई ट्याक्टर जिल्ला दररेटका आधारमा र पालिकाको डोजर परिचालन गरिएको छ । गुठिचौर ४ खल्लाबाडा देखि ग्रामिण सडक स्तरउन्नतीको काम सुरु गरिएको हो । शुक्रबार दानसॉघु देखि गोरुओढार सम्मको सडक मर्मतको काम भइरहेको छ ।
सडक जनसरोकार संग जोडिएको कुरा हो,अध्यक्ष बुढाले भने,’‘आफै डोजर लिएर गाउ‘मा पु्गिरहेको छु । सुरक्षित गुठिचौर अभियान अन्र्तगत सडक मर्मत पनि महत्वपुर्ण पक्ष हो ।
विहान ७ बजे देखि रातिको ८ बजे सम्म सडकमा काम भइरहेको छ । पालिकाले जन सरोकार संग जोडिएको काममा जिम्मेवारपुर्वक कार्य गरिरहेको गुठिचौर ४ प्याकुरेबाडाका उदयचन्द्र प्याकुरेलले बताए । उनले भने,’‘दसैंमा अधिकांसले गाडी गाउ‘मै पुर्याउन चाहन्छन् । मोटरसाइकल घरमै लिन चाहन्छन् । तर सडक बिग्रदा गाउ‘ लैजान सकिने हुदैन्,उनले भने,‘यो पटक पालिकाले सडक बनाएर गाउ‘मै गाडी पुर्याउने अवस्था सिर्जना गरेको छ । यो हरेक पालिकाबासीको लागि राम्रो हो ।’
अधिकांस गाउ‘ जुम्ला डोल्पा सडक अन्र्तगत पर्ने भएकोले १५ गतेदेखि सडक मर्मतको काम थाल्न समेत सडक डिभिजन कार्यालयलाई भनिएको पालिका अध्यक्ष बुढाले बताए । दसैंमा अधिकांस गुठिचौरबासी बाहिर जिल्लाबाट भित्रिन्छन् । पर्यटकीय गन्तब्य गुठिचौर नै पालिका भित्र पर्ने भएकोले पर्यटकहरु आवागमनको लागि सहज हुने अपेक्षा गरिएको छ । गुठिचौरको सडक हुंदै आन्तरिक तथा बाह्य पर्यटकहरु डोल्पाको से फोक्सुण्डो जान चाहन्छन् । जसका लागि सडकहरु धमाधम मर्मत भइरहेका हुन ।
यसअघि मदिरा सेवन गर्न र बेच्न अनिवार्य लाइसेन्स लिनुपर्ने व्यवस्था गरेपछि गुठिचौर शान्त छ । अब हरेक बस्ती जोड्ने सडक सुरक्षित बनाउने अभियान सुरु भइसकेको पालिकाले जनाएको छ । पालिकाले दसैको अवसरमा सडक खुलाउने गरि थालेको कामको चौतर्फी प्रसंसा भइरहेको छ ।