जुम्ला । नेकपा माओवादी केन्द्र गुठीचौर गाउँपालिका कमिटीले सामाजिक कुरीति रोक्ने अभियान सुरु गर्न माग गरेको छ । गाउँपालिका अध्यक्ष दानबहादुर बुढालाई ज्ञापन पत्र पेस गर्दै सामाजिक हानिकारक अभ्यासका रुपमा स्थापित बालविवाह,बहुविवाह,जारीप्रथा र छाउपडी प्रथा अन्त्य गर्ने खाले नीति तर्जुमा गरेर कार्यन्वयन गर्न माग गरेको हो ।
पालिका अध्यक्ष लालबहादुर रावतद्धारा हस्ताक्षरित ज्ञापन पत्रमा प्रत्यक टोलमा जुवातास,जाँडरक्सी र लागुऔषधका क्रियाकलाप रोक्न आग्रह गरिएको छ । परम्परागत पहिरन,भेषभुसा र साँस्कृतिक मुल्य मान्यता स्थापित गर्न संग्राहलयको स्थापना गर्न समेत माग गरिएको अध्यक्ष रावलले बताए ।
नेकपा माओवादी केन्द्र जुम्लाले सुरु गरेको दुई महिने समृद्धी र विकासका लागि पार्टी सुदृढीकरण अभियान अन्र्तगत जुम्लाका सबै पालिकामा माओवादीले ज्ञापन पत्र बुझाएको हो । ज्ञापन पत्रमा गुठीचौर गाउँपालिकालाई पर्यटन आकर्षणको केन्द्र बनाउनुपर्ने,द्धन्द्धकालमा मृतकका,वेपत्ताका परिवार र घाइतेहरुलाई आत्मनिर्भर बन्ने सीपमुलक काममा लगाउनुपर्ने,गुणस्तरी शिक्षामा जोड दिदै व्यवहारीक शिक्षा प्रदान गर्ने नीति बनाइनुपर्ने,स्वास्थ्य सेवालाई प्रभावकारी बनाउन नियमित अनुगमन गरेर औषधि अभावको समस्या समाधान गर्नुपर्नेमा जोड दिइएको छ । गरिब र विपन्न परिवारलाई स्वरोजगार कार्यक्रम सिर्जना गरेर आयआर्जनका कामा जोड्नु पर्ने पनि माग पत्रमा उल्लेख गरिएको छ ।
माओवादी केन्द्र गुठीचौरका अध्यक्ष रावलले समृद्धि र विकासका लागि राखिएका मागहरु कार्यन्वयनमा जोड दिन आग्रह गरिएको बताए । शिक्षा,स्वास्थ्य, विकास निर्माण,सुशासन र पर्यटन क्षेत्रको विकासका साथै सामाजिक कुरीति अन्त्य गर्ने अभियानमा स्थानीयसरकार संग हातेमालो गर्ने समेत उनले बताए ।
ज्ञापन पत्र बुझ्दै गुठीचौर गाउँपालिकाका अध्यक्ष दानबहादुर बुढाले मागहरु समय सान्दर्भिक र गुठीचौरको समृद्धिका लागि केन्द्रीत भएकोले आपसी सहमति र सहकार्यका रुपमा अघि बढाएर लैजाने बताए । उनले भने,‘हामी सबै मिलेर गुठीचौरको विकास गर्ने हो । समृद्धिको ढोका खोल्ने हो । यसमा गुठीचौर गाउँपालिका सकरात्मक रुपमा अघि बढ्न चाहन्छ । ’ उनले गाउँपालिकाले थालेका रचनात्मक काममा साथ दिन समेत आग्रह गरे ।
ज्ञापत्र पत्र बुझाउन माओवादी केन्द्र गुठीचौर गाउँ कमिटीका अध्यक्ष लालबहादुर रावल,प्रदेश कमिटी सदस्य राजकुमार शाही साहसी, बिष्ण्ुा बुढा लगायतको टोली गाउँपालिका पुगेको थियो । उनीहरुले स्थानीय सरकारको अधिकार क्षेत्र भित्र रहेर विकास र समृद्धिको खाका कोर्न आग्रह गरेका थिए ।
