जुम्लामा प्रचण्ड माधव समुहले मसाल जुलुस निकालेको छ । प्रधानमन्त्री केपी शर्मा ओलीको असंवैधानिक कदम र संवैधानिक अंगमा अनैतिक नियुक्तीको विरोधमा जुम्लाको खलंगामा मसाल जुलुस निकालिएको हो ।
सरकारले संविधानलाई वेवास्ता गर्दै संवैधानिक निकायहरुमा समेत नियुक्ति गरेको भन्दै प्रचण्ड माधब समुहले भोलि देशव्यापी आम हड्तालको कार्यक्रम सार्वजनिक गरेको छ ।
प्रधानमन्त्री ओलीको ओलीको प्रतिगामी कदम असफल पार्न जुनसुकै कदम चाल्न तयार रहेको नेताहरुले बताएका छन् । आम हड्तालको लागि तयारी अवस्थामा रहन अघिल्लो दिन मसाल जुलुस निकालिएको नेकपा कर्णाली प्रदेश सदस्य पुर्णप्रसाद धितालले जानकारी दिए ।
उनले भने,‘ भोलिको आम हड्तालमा बजार, शिक्षण संस्था, यातायातलगायत बन्द रहनेछन् । तर अत्यावश्यकीय सेवा बन्द हुनेछैनन् । ’
जुम्लामा प्रचण्ड माधव समुहको मसाल जुलुस
खसपत्र
।
२१ माघ २०७७, बुधबार २१:४९
