जुम्ला,कात्तिक ४।
जुम्लामा भालुको आक्रमणबाट एक जना महिलाको मृत्यु भएको छ । तातोपानी गाउँपालिका ५ लाम्रा गाउँकी ५५ बर्षिया रुदा डाँगीको भालुको आक्रमणबाट मृत्यु भएको हो । जिल्ला प्रहरी कार्यालय जुम्लाका प्रमुख डिएसपी दानबहादुर थापाले भालुको आक्रमणबाट महिलाको मृत्यु भएको बताए । मृतक महिला गाडापारी सामुदायिक वनको चौकीदार थिइन ।
वनको रेखदेख गर्न गएको बेला मध्यान्ह १२ बजे भालुले आक्रमण गरेको स्थानीय बताउँछन । मृतक महिलाको शव पोष्टमार्टमका लागि कणर्ाली स्वास्थ्य विज्ञान प्रतिष्ठान शिक्षण अस्पताल जुम्लामा लगिएको छ । स्थानीय सुर्य डाँगीले एक्कासी जंगलतिर मान्छे कराइरहेको आवाज सुनिएको बताए । बिहान मान्छे कराएको आवाज आएको थियो, उनले भने,’‘दिउँसो भालुले आक्रमण गरेर भालु मारीसकेको खबर प्राप्त भयो ।’
भालु दुइदीन देखि गाउँ नजिकैको जंगलमा कराइरहेको थियो । शुक्रवार तातोपानी धारा नजिकैबाट जंगल तिर गएको स्थानीय बताउँछन । गाउँमा दिनदहाडै भालु प्रवेश गर्न थालेपछि स्थानीय त्रासिद छन । भालुले आक्रमण गरेर मान्छे मारेको क्षेत्रमा नेपाल प्रहरी, सशस्त्र प्रहरी र नेपाली सेना परिचालन गरिएको छ । तर भालु भागिसकेको स्थानीयले जनाएका छन ।
अर्का स्थानीय पुणर्प्रसालद चौलागाइले महिला संधैं वनतिर जाने गरेको बताउँछन । उनी वन फडानी गरेको थाहा भएपछि विहानै वनतिर गएकी थिइन, चौलागाइले भने,‘एक्कासी भालुले आक्रमण गर्यो । । उनको मृत्यु भयो । अहिले गाउँमा त्रास फैलिएको छ । ’
वनको चौकिदार डाँगीलाई भालुले आक्रमण गरेको खेतमा धान भित्र्याउन गएका किसानले थाहा पाएका थिए । उनीहरुका अनुसार भालु संगै दुइ बच्चा छन । भालुले गाउँबाट जंगल चराउन लिएको गाइ समेत मारेको थियो । भालु पानी पिउन खोला तिर आउदै गरेको अवस्थामा जम्काभेट भएको थियो ।
भालुको आक्रमणबाट मुत्यु भएकी डाँगीलाई कणर्ाली स्वास्थ्य बिज्ञान प्रतिष्ठानमा पोष्टमार्टमको लागी कणर्ाली स्वास्थ्य बिज्ञान प्रतिष्ठानमा ल्याएको छ । पछिल्लो समयमा भालु गाउँवस्तीमा झरिरहेको छ । यसअघि गुठिचौर गाउँपालिका दामदासे देखि सदरमुकाम खलंगा आउदै गरेका एकजनालाई भालुले आक्रमण गरेर मारेको थियो । जुम्ला सदरमुकाम खलंगा भित्र भालु पसेर दुइ जनालाई आक्रमण गरेको थियो । आहराको खोजीमा भालु गाउँवस्तीतिर झर्ने गरेको पाइएको डिभिजन वन कार्यालय जुम्लाले जनाएको छ ।