जुम्ला । ट्याक्टर दुर्घटना हुँदा जुम्लामा एक बालकको घटनास्थलमै मृत्यु भएको छ । बुधवार हिमा गाउँपालिका वडा नं. १ कोइरेलीबाट बालुवा लोड गरी नराकोट तर्फ जादै गरेको हिमा गाउँपालिकाका उपाध्यक्ष हिमाली रोकायाको नम्बर नभएको नयाँ ट्याक्टरको ढालाबाट खस्दा बालकको मृत्यु भएको प्रहरीले जनाएको छ ।
प्रहरीका अनुसार हिमा गाउँपालिका वडा नं. २ निवासी ९ वर्षीय हिमाल रोकायाको दुर्घटनामा मृत्यु भएको हो । ढालामा बसेका ३ तीन बालबालिकामध्ये मृत्यु हुने बालकले ट्याक्टरको अगाडिबाट हाम फालेको कारण घटनास्थलमै मृत्यु भएको प्रहरीको प्रारम्भिक अनुमान छ ।