काठमाडौँ — प्रधानमन्त्री पुष्पकमल दाहाल चीनको हाङचउ पुगेका छन् । न्युयोर्कमा संयुक्त राष्ट्र संघको ७८औं महासभालाई सम्बोधन गरेर प्रधानमन्त्री दाहाल शनिबार बिहान हाङचउ पुगेका हुन् ।
प्रधानमन्त्री दाहाल १९औं एसियाली खेलकुदको उद्घाटन समारोहमा सहभागी हुन चीनको उत्तर दक्षिणी सहर हाङचउ पुगेका हुन् । हाङचउमा प्रधानमन्त्री दाहाललाई चिनियाँ ओलम्पिक कमिटीका अध्यक्ष काओ झिदान, चीनका लागि नेपाली राजदूत विष्णुपुकार श्रेष्ठ र नेपालका लागि चिनियाँ राजदूत छन सोङलगायतले स्वागत गरेका थिए ।
यस्तो छ प्रधानमन्त्री दाहालको चीन भ्रमणको तालिका
सेप्टेम्बर २३ : एसियन गेम्सको उद्घाटनमा सहभागी हुने र हाङचउमै राष्ट्रपति सी चिनफिङसँग द्विपक्षीय भेटवार्ता गर्ने
सेप्टेम्बर २४ :हाङचउबाट बेइजिङ जाने
सेप्टेम्बर २५ :चिनियाा प्रधानमन्त्री ली छियाङसँग द्विपक्षीय भेटवार्ता गर्ने
सेप्टेम्बर २६ :छोङछिङ महानगरमा कृषि र उद्योग अवलोकन गर्न जाने
सेप्टेम्बर २७ र २८ :तिब्बतको ल्हासा र वरिपरिको क्षेत्र
सेप्टेम्बर २९ :मानसरोवर जाने (मौसमअनुकूल भएमा मात्र)
सेप्टेम्बर ३० :नेपाल फर्कने